जलवायु अनुकुलित वृहत खानेपानी आयोजना

परिचय:

प्राकृतिक तथा मानवजन्य कारणहरुले जलवायु परिवर्तन हुँदै जाँदा पानीका विधमान स्रोतहरु सुक्दै जानाले दिनानुदिन जीवनस्तर कठिन बन्दै गएको छ । पानीको जोहो गर्न नसकेर कतिपय वस्तिहरु बसाई-सराई गर्ने अवस्थामा पुगेका छन् । यस्ता स्थानहरुमा/बस्तीहरुमा खानेपानी तथा सरसफाईको सुविधा पुर्‍याउनका लागि यस आयोजना अन्तर्गत देशका विभिन्न स्थान-बस्तीहरुमामा खानेपानी तथा सरसफाई आयोजनाहरु सञ्चालनमा रहेका छन् । यस आयोजना अन्तर्गत साविकका सुख्खा क्षेत्र खा.पा.तथा सरसफाई आयोजना, जलाशाययुक्त तथा थोक वितरण प्रणालीगत खानेपानी आयोजनाहरु रहेका छन् ।

 आयोजनाको लागत तथा खर्च व्यहोर्ने श्रोत

• कुल लागतको ९०% नेपाल सरकार
• कुल लागतको १०% जनसहभागिता (१% अग्रिम नगद र ९% जनश्रमदान संरचनाहरु निर्माणका लागि जग्गा व्यवस्थापन, खन्नेपुर्ने, धाराजडान आदिमा)

यस आयोजना अन्तर्गत पर्ने आयोजनाको मापदण्डः

• नेपाल सरकारले घोषणा गरेका सुख्खा क्षेत्रमा पर्ने संघिय स्तरका खानेपानी आयोजनाहरु ।
• जलासययुक्त वृहत खानेपानी आयोजनाहरु ।
• थोक वितरण प्रणालियुक्त खानेपानी आयोजनाहरु ।
• १५ कि.मी. भन्दा वढि प्रशारण पाईप लाईन भएको सतही श्रोत र २५ लि/से. भन्दा वढि पानी आपूर्ति गर्ने खालको आयोजनाहरु ।
• ५०० मी. भन्दा बढि उचाईका स्थानमा मल्टिस्टेज पम्पिङ गरि पानी आपूर्ति गर्ने संघिय आयोजनाहरु ।
• १०% जनसहभागितामा निर्माणाधिन साविकका सुख्खा क्षेत्र खानेपानी आयोजनाहरु ।
• नेपालको औषत (१२० मि.मी. प्रति वर्ष) भन्दा निकै कम मात्र वर्षा तथा हिमपात हुने स्थानमा संचालन हुने संघिय आयोजनाहरु ।
• भूमिगत पानीको सतह निकै तल (५० मी भन्दा वढी) भएको र स्यालो ट्यूववेलको सम्भावना नभएका तराई-मधेस क्षेत्रका सुख्खा वस्तिहरुको लागि संचालन गरिने खानेपानी आयोजनाहरु ।

कर्मचारीको विवरण